الأخبارفنمنوعات

الحالة والحال /عمر الزواق /زجل


بقلم:الحاج عمر الزواق

الحالة والحال
طلو يا هلي شوفو الحالة
شوفو شحال كتسوى الدربالة
بحال لعيالات بحال الرجالة
تكول مكسيين من الزبالة ..
طلو يا هلي شوفو الحالة
شوفو لحسانة شوفو الغوفالة
بنارة الفروج وسوالف الميخالة
لعرف ولكرون وفهامة لحوالة ..
السراول مشركين فاضحين لعوار
لبنات عارضين الممتلكات ولسرار
ما بقى فرق بين الحمام والدار
كلشي عريان شكون ينهي المنكار ..؟
عاشرو المونيكا المعلومة وافتاو بلحلال
عشقو الميكا وداروها رمز الجمال
النصيحة ما فادت وما بقى ما يتكال
بنادم تغير حالو وركب شلا هبال .

مقالات ذات صلة

زر الذهاب إلى الأعلى