أخبار محليةفن

زجل (يا فريجة ياخد الواد)

ياافريجة يا عروست واد سوس
منك تفرقات الخلجان
وفيك اصل لحكام
بيبانك لعابر السبيل محلولة
وقصورك بالخير معمورة
فيك النخل والدفلة وعرق السوس
والخلجان من لولاجي كانت تلالي
ترابك يتوزن بالذهب
ولجاهل كنزك فين يبات؟
عليك ماتو الرجال
وفعيون حورك
تنظمت لشعار
يافريجة ياعروسه
يا افريجه يا اصل لفراجة
ولجاك بهمو يتفاجى
لباعك بحلاب النسالة
مايحصد فمقامو غير لبسالة
ولشراك بالياقوت توزنيه
ومنك يشرب الحكمة والرزانة
يا افريجة ياخد الواد
يا افريجة يا تاج الجواد
من بنت جدورك
تقبلي سلامي
نظمت شعاري من مقامي
ومقامي بيك وفيك عالي
زغرتي وخلي الخلان توالي
ياقلب اولادويحيى
يابنت لمقام العالي

اسماء باحيدة

مقالات ذات صلة

زر الذهاب إلى الأعلى
إغلاق
إغلاق